Rexhep Selimi gjatë fjalës përfundimtare ka thënë se Prokuroria me pretendimet e saja po tenton të barazojë luftën çlirimtare me atë të agresionit serb.
Ai ka thënë se kjo po bëhet me pretendime të shtrembëruar.
Por, Selimi ka thënë se kjo është përpjekje për ta rishkruar historinë, e siç ka thënë ai, historia e Kosovës nuk rishkruhet në një sallë gjyqi
“Të përpiqesh të ndrysh me qëllim me ndryshimin e fakteve historike përmes akuzave me pretendime të shtrembëruara është thjesht të përpeqësh ta rishkruash historinë. E historia e Kosovës nuk rishkruhet në një sallë gjyqi, e kanë shkruar qytetarët e vendit me sakrificë, e dëshmorët e martirët”, tha Selimi.
Ai ka thënë Prokuroria ka tentuar të ndajë shqiptarët, nga ata që mbështesin pavarësinë e Kosovës dhe ata që duan autonominë nën Serbi.
Selimi ka thënë se në Kosovë nuk kishte as parti politike që ishin kundër pavarësisë
“Në Kosovë nuk ka pasur parti politike shqiptare që ishte kundër pavarësisë dhe asnjë që e mbështeste autonomin ndaj Serbisë. Të gjitha partitë shqiptare ishin për pavarësinë, ashti siç ishte edhe qëllimi i UÇK-së. Ta paraqesësh kërkesën për pavarësi si kërkesë radikale dhe autonominë si moderne, është një sulm jo vetëm ndaj historisë së Kosovës, por edhe të ardhmes së saj”, tha Selimi.
