Komuna e Vitisë nuk ka siguruar buxhetin e nevojshëm për pagat e punonjësve, duke lënë disa kategori të punonjësve pa pagesa për muajin shtator.
Sipas njoftimit të Ministrisë së Financave, ndonëse buxheti për paga ndahet për të mbuluar shpenzimet e vitit, disa komuna, përfshirë Vitin, kanë hasur vështirësi për shkak të rasteve përmbarimore.
“Thesari i Kosovës ka njoftuar me kohë komunat të cilat janë ballafaquar me këtë problem që të bëjnë korrigjimet dhe përshtatjet e nevojshme për të siguruar buxhet të mjaftueshëm për ekzekutimin e pagave të muajit shtator, dhe të gjitha komunat e kanë bërë përpos njërës”, thuhet në njoftim.
Ministria e Financave ka shprehur gatishmërinë për të ri-ekzekutuar pagat për programet e arsimit, por vetëm pasi Komuna e Vitisë të bëjë rregullimet e nevojshme dhe të sigurojë buxhetin e mjaftueshëm. /teve1.info/
