Në shtator të vitit 2024-të, tre persona përfunduan nën pranga të Policisë së Kosovës nën dyshimin se kanë kryer veprën penale “shpëlarja e parasë”.
Ata dyshohen se për katër vite, nga vitit 2020 deri në 2024 kanë kryer disa vepra penale si Mashtrim, Falsifikim i dokumenteve dhe Legalizimi i përmbajtjes se pa vërtete.
Nga këto veprimtari, tre të dyshuarit dyshohen se kanë përfituar vlera të mëdha.
E të hënën, nën vazhdën e këtyre hetimeve të rastin e koduar si “MATI” Prokuroria Speciale e Republikës së Kosovës ka njoftuar se janë sekuestrues mbi 2 milionë euro shtesë në emrin e të dyshuarit Sh.C.
Pasuria është sekuestruar me urdhër ndalues përfundimtar të Gjykatës Themelore në Prishtinë.
“PSRK njofton opinionin publik se në kuadër të këtyre hetimeve, deri tash pasuria e sekuestruar kap vlerën rreth 2,286,054.00 euro. Kjo pasuri shtesë është identifikuar gjatë hetimeve në bashkëveprim dhe mbikëqyrje të ngushtë me prokurorin e lëndës nga Prokuroria Speciale, në emrin e të dyshuarit Sh.C.”, thuhet nga prokuroria.
Në mesin e kësaj pasurie të sekuestruar, ka banesa, lokale e depo.
“Me urdhër ndalues përfundimtar të Gjykatës Themelore në Prishtinë, Departamenti Special thuhet se janë sekuestruar “20 njësi banesore në sipërfaqe të tërësishme 1788.41 m², me vlerë të përafërt të tregut në lartësi 1,788,410.00 euro; 2 lokale afariste me sipërfaqe të tërësishme 167.54 m², me vlerë të përafërt të tregut në lartësi 335,080.00 euro; 17 vendparkingje (garazha) me sipërfaqe të tërësishme 241.96 m², me vlerë të përafërt të tregut 145,176,00 euro; 6 depo me sipërfaqe të tërësishme 28.87 m², me vlerë të përafërt të tregut 17,388.00 Euro”, thuhet tutje.
Avokati Yll Zekaj pret që këto sekuestrime të kalojnë në konfiskime.
Ai thotë se ndarja “Shpëlarjes së parave” si vepër e veçantë penale ndihmon edhe më shumë në hetim.
Zekaj tregon se sa është dënimi në këto raste.
Sipas prokurorisë, për veprimet e tjera hetimore për rastin “MATI” do të njoftojnë me kohë.
Ndërkohë, sipas një raporti të Njësisë për Inteligjencë Financiare, të vitit 2020 pastrimi i parave ka më shumë gjasa të bëhet përmes sektorëve të patundshmërisë dhe ndërtimtarisë, organizatave joqeveritare dhe faturave të fryra artificialisht me vlera të larta.
