Kryetari i kryeqytetit, Përparim Rama ka kujtuar sot në 25-vjetorin e Masakrës së Reçakut, 45 viktima civile të vrara nga forcat policore, ushtarake e paraushtarake serbe.
Rama ka ndarë dhimbjen me familjarët, ku tha se kjo ditë e rikujton çdo vit dhimbjen për drejtësi e paqe.
Ndryshe, ai ka theksuar se do të punon pa ndalur, që krimet të tilla ndaj njerëzimit mos të ndodhin kurrë më.
Ai tha se Kosova është vend i paqes dhe do të vazhdon të mbetet i tillë.
“Sot përkujtojmë 45 viktimat e Masakrës së Reçakut – 15 janar 1999, të kryer nga forcat policore, ushtarake e paraushtarake serbe. Ndajmë dhimbjen me familjarët në këtë ditë e cila na rikujton çdo vit nevojën për drejtësi dhe paqe. Ne duhet t’i premtojmë vetes se do të punojmë pa u ndalur që krime të tilla ndaj njerëzimit mos të ndodhë kurrë më. Vendi ynë është vend i paqes dhe do të vazhdojë të mbetet i tillë!”, thuhej në njoftim./teve1.info/
