Policia e Kosovës bashkë me Doganën ka sekuestruar mall të dyshuar të kontrabanduar në vlerë prej 20 mijë eurove, raporton teve1.info
Sipas komunikatës së Policisë së Kosovës, të premten është identifikuar jë automjet në i dyshuar me mall të kontrabanduar, derisa drejtuesi i tij ishte larguar.
I dyshuari është paraqitur në stacion policor tri ditë më vonë, derisa malli është sekuestruar dhe dërguar në Doganë për procedura të mëtejme.
“Me datë 26.02.2024 është paraqitur drejtuesi i automjetit të dyshuar me iniciale (A. G.) i moshës 41 vjeçar nga Ferizaj. Gjatë kontrollit të automjetit është vërejtur se kishte të ngarkuara mallra të ndryshme pa prejardhje (pa fatura) disa mallrat ishin të markave tregtare të mbrojtura që dyshohet se janë të falsifikuara si: NIKE, ADIDAS, LOUISVUITTON etj. Vlera e mallrave sipas listës së gjetur në automjet e cila përkon me mallrat e gjetura në brendi të automjetit është rreth 20 mijë euro (20.000 €). Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli i kontrabanduar sekuestrohet dhe dërgohet në Terminalin doganor për procedura të mëtejme ligjore”, thuhet në komunikatë.
