Ministri i Financave, Hekuran Murat ka pritur në takim sekretarin e Përgjithshëm të Organizatës Botërore të Doganave (OBD), Kunio Mikuriya.
Murati në një konferencë për media tha se gjatë takimit kanë diskutuar tema të rëndësishme, ku në fokus ishte bashkëpunimi tregtare në mes vendeve.
“Kisha nderin dhe kënaqësinë që ta prisja për herë të parë sekretarin e nderuar. Gjatë takimit biseduam për shumë tema të rëndësishme, për bashkëpunimin tregtare të vendeve, për përmirësimin e doganave dhe kapaciteteve të tyre dhe për mbështetën që kjo organizatë mund të ofrojë për ne si shtet, ku ne tashmë jemi anëtare që nga viti 2017”.
Ai tha se gjatë takimit ka njoftuar sekretarin për arritjet e Kosovës si dhe luftën kundër kontrabandës dhe aktiviteteve tjera ilegale.
“Gjatë takimit e njoftova sekretarin e nderuar për arritjet që kemi pasur gjatë viteve të fundit, sidomos në rritjen e inkasimit të të hyrave nga doganat, e po ashtu edhe në luftën tonë të suksesshme kundër kontrabandës dhe aktiviteteve tjera ilegale në të gjithë territorin e vendit, gjë që ka rezultuar me të hyra më të larta
Po ashtu e informova për ndryshimet dhe reformat që jemi duke i bërë si shtet, përfshirë këtu kodin e ri doganor dhe të akcizave, i cili do të jetë në linjë me direktivat e Bashkimit Evropian si edhe për hapat që kemi marrë në rikthimin e terminaleve doganore në pronësi të shtetit”.
Përderisa sekretari i Përgjithshëm të Organizatës Botërore të Doganave (OBD), Kunio Mikuriya, tha se Dogana e Kosovës ka bërë progres në plotësimin e standardeve ndërkombëtare, duke u shprehur i lumtur që është në Kosovë.
Por sipas tij, është me rëndësi që të punohet në trajnim të stafi e teknologji.
“Jam shumë i lumtur që jam në këtë vend të dhe jam shumë i lumtur me pritjen që më është bërë. Ne po montojmë progresin, sepse qëllim është bashkëpunimi. Dogana e Kosovë ka bërë progres në plotësimin e standarde ndërkombëtare, duke përdorur edhe teknologjinë”.
“Është me rëndësi që të vazhdohet me reformat, edhe që njerëzit të trajnohen për standarde dhe përdorim të teknologjisë. Shumë ekonomi varen nga Dogana, dhe eshët me rëndësi që ekonomia e Kosovës të ec bashkë me ekonomitë globale”.
