Administrata e presidentit amerikan, Donald Trump po ndalon sulmet kibernetike ndaj Rusisë, kanë thënë zyrtarët, teksa po vazhdojnë përpjekjet për t’i dhënë fund luftës në Ukrainë.
Ndalimi i operacioneve kibernetike amerikane kundër Rusisë erdhi nga Sekretari i Mbrojtjes Pete Hegseth në udhëzime të reja për Komandën Kibernetike të SHBA, thanë zyrtarët për partnerin amerikan të BBC-së, CBS Neës.
Arsyetimi për udhëzimin nuk është deklaruar publikisht dhe nuk është e qartë se sa mund të zgjasë ndalimi. Departamenti i Mbrojtjes ka refuzuar të komentojë.
Qindra ose mijëra personel mund të preken nga urdhri i Hegseth, sipas The Record, një botim i sigurisë kibernetike që raportoi për herë të parë lajmin . Operacionet që synojnë forcimin e mbrojtjes dixhitale të Ukrainës ka të ngjarë të jenë në mesin e atyre që preken.
Këshilltari i Sigurisë Kombëtare Mike Waltz mohoi se ishte diskutuar një ndryshim i politikës, por pranoi në një intervistë në CNN se do të ketë “të gjitha llojet e karotave dhe shkopinjve për t’i dhënë fund kësaj lufte”.
Direktiva thuhet se erdhi përpara se Trump të përfundonte në një grindje televizive me presidentin ukrainas Volodymyr Zelensky në Shtëpinë e Bardhë të premten.
