Këtë e bëri të ditur vet presidentja përmes një konference për medie.
Osmani tha se Forumi për Gratë, Paqen dhe Sigurinë me temë “Ndërtimi i Aleancave për Paqe të Qëndrueshme”, organizohet për herë të parë në historinë e re të Kosovës dhe përbën një nga zotimet në kuadër të Samitit për Demokraci.
“Fjalimi i Sekretarit Blinken është dëshmi e mbështetjes së vazhdueshme dhe e partneritetit të palëkundur ndërmjet Kosovës dhe SHBA-ve që bazohet mbi vlerat e përbashkëta të demokracisë, paqes dhe prosperitetit”, tha ajo.
Sipas Osmanit, Forumi në edicionin e parë të tij do të mbledhë 126 folës nga 33 shtete dhe mbi 400 pjesëmarrës, të cilët gjatë dy ditëve do të trajtojnë çështje që ndërlidhen më gratë, paqen dhe sigurinë.
Ajo tha se gratë e Ukrainës do të nderohen me “Medalje Presidenciale të Meritave” në hapje të këtij forumi.
Gjatë konferencës Osmani foli edhe për regjistrimin e shqiptarëve në Preshevë, Bujanoc dhe Medvegjë, për të cilin proces tha se Serbia po përdor metoda shoviniste për spastrim etnik të shqiptarëve në luginë.
“Serbia nëpërmjet një politike shoviniste vazhdon ta përdor spastrimin etnik si mjet administrativ për t’i larguar shqiptarë nga Lugina. I ftoj të gjithë shqiptarët kudo që janë t’i bashkojnë forcat dhe ta kryejnë procesin e regjistrimit. I bëjmë thirrje të gjitha vendeve mike që të kontribuojnë t’i eliminojnë pengesat për regjistrimin e qytetarëve në Luginë në mënyrë që Serbët të arrijnë qëllimin të dalin sa më pak shqiptar”, tha Osmani.