Presidenti i parë i Republikës së Kosovës, Fatmir Sejdiu ka treguar se sesi kanë filluar të vijnë njohjet e para për shtetin më të ri në botë në vitin 2008.
“Njohjet e para kanë ardhur dy-tri dhe sot e shoh rreshtimin herë ashtu e herë kështu. Unë e di njoftimin e parë që është bërë me Afganistanin dhe me atë që nisej që del tash Kosta Rika, del ndonjë vend tjetër dhe nuk është ndonjë problem i madh, sepse ata njerëzit i kanë nisë kërkesat e tyre, sepse ne u kemi bërë kërkesë atë ditë për menjëherë, jo të gjitha vendeve, janë dy, tre, katër vende që nuk ju kemi dërguar. Serbisë nuk ju kemi dërgu, Butanit p.sh. nuk ju kemi dërgu, Koresë së Veriut nuk ju kemi dërgu edhe ndonjë vendi tjetër që është anëtar i Kombeve të Bashkuara, por që s’ka arrit pak”, tha ai.
Për njohjet të cilat kanë ardhur Sejdiu thotë që nuk ka qenë i befasuar.
“Nuk kemi qenë të surprizuar apo të befasuar me njohjet që do t’i bëjë pesëshi i madh. Kanë ardhjen njohjet nga Turqia dhe Republika e Shqipërisë, ta zëmë dhe e kanë pritë edhe njëra edhe tjetra që të kapërcej pesëshi i madh që hapte rrugë dhe kuptohej më drejt”, tregoi ai.
Ish-presidenti ka treguar njohjet më interesante që sipas tij kanë qenë për Kosovën.
“Për mua kanë qenë tre njohje interesante të fazës së mëvonshme janë njohje që do të vijnë nga Maqedonia, Mali i Zi dhe Portugalia. Pse janë interesante? Janë pak me vonesë, por njohja nga Maqedonia, nga Mali i Zi dhe njohja nga Portugalia lidhen kohësisht me problemet që do t’i paraqiten Kosovës në Këshillin e Sigurimit, përkatësisht në Organizatën e Kombeve të Bashkuara, me kërkesën e Jeremiqit për të çuar në Gjykatën Ndërkombëtare të Drejtësisë”, u shpreh Sejdiu në emisionin “Këndi i Debatit” në Tëvë1.
Tutje ai tha se deri atëherë ishin vonuar Mali i zi edhe Maqedonia, mirëpo sipas Sejdiut njohja nga këto shtete ishte një përgjigje e jashtëzakonisht e fuqishme kundër përpjekjes për ndaljen e njohjes nga shtetet tjera.
“Ishte njohja nga Portugalia, e cila ishte e udhëhequr më duket në atë kohë në mandatin e presidencës. E di qëndrimin e ministrit Luis Amado që ka qenë jashtëzakonisht i përkushtuar për ne, për Kosovën flas, për kauzën e Kosovës. Dhe do të vijë boomerangu çka kemi bërë ne. Deri në atë kohë janë regjistruar një numër i njohjeve përmbi 60 ndoshta, nuk jam i saktë shumë. Unë kam përfunduar udhëheqjen e vendit me 70 e diçka”.
Sipas Sejdiut, Kosova është ripërtërirë dy herë.
“Kemi ripërtërirë dy herë. E para ishte dërgimi i ftesave, e dyta ishte ofensiva e tetorit, këtu na kanë ndihmuar edhe vendet mike dhe na ka ndihmuar ShBA-ja, Mbretëria e Bhkuar, Gjermania, Franca, Italia etj”, shtoi ai.
