Sipas tij, shtesa prej 50 eurove është e papërfillshme karshi nevojave të qytetarëve duke pasur parasysh ngritjen e çmimeve në vend.
Madje Sefaj, tha se kryeministri Kurti me këtë veprim ka anashkaluar edhe punëtorët mirëmbajtës të cilët ai tha, se e pastrojnë dhe mirëmbajnë zyrën e kryeministrit Kurti.
“Ndihme e vogël pothuajse gati e papërfillshme karshi nevojave që kanë. Mirëpo dua të shpreh revoltën time si sindikalist që Qeveria këtë mbështetje nuk ia ka dhënë sektorit privat dhe veçmas atyre që paguhen më pak se 350 euro, apo veçmas ti specifikoj mirëmbajtësit e objekteve publike dhe pastruesit që pastrojnë dhe mirëmbajnë zyren e kryeministrit, e që paguhen më pak së 200 euro. Është e turpshme që Qeveria t’i shpërfillë ata njerëz që përkujdesen për pastërtinë e hapësirave ku ata ushtrojnë këto detyra dhe ti kushtezojnë me mundësine e rritjes së pagave nga ana e punëdhënësve dhe të mos jenë mirëkuptues dhe falënderues për shërbimet që ata i ofrojnë në institucionet e Republikës së Kosovës”, tha ai në emisionin “Info Nata” në Tëvë1.
Ndryshe punëtorët e sektorit publik në Kosovë me pagë të janarit pritet t’i marrin nga 50 Euro shtesë, raporton teve1.info
