Dy kundërshtarë opozitarë, u bën bashkë në njërën nga sallat e Gjykatës Themelore në Prishtinë.
Vepra penale “Sulmi” i ballafaqoi, Arben Gashin e LDK-së, me Xhavit Halitin e PDK-së.
Për Halitin ishte qesharake një pyetje e gjykatësit të rastit, rreth të dhënave personale.
Haliti akuzohet se në një seancë të Kuvendit të Kosovës, kishte sulmuar fizikisht Gashin, megjithëse nuk e pranoi fajësinë.
Në cilësinë e të dëmtuarit dhe dëshmitarit, u mor në pyetje deputeti i LDK-së, Arben Gashi.
Ai theksoi kohën e gjatë nga ngjarja, derisa tha se qëllimin e veprës i takon gjykatës që ta vë në pah.
Si provë materiale u lëshua edhe video nga seanca e 18 majit të vitit 2018.
Përpara gjykatësit, dëshmoi edhe vet i akuzuari, Haliti.
Ai potencoi se gjithçka ka qenë e paplanifikuar.
Gjatë dëshmisë së tij, sërish iu tërhoq vërejtja për seriozitetin e tij para Gjykatës.
Mbrojtja propozoi që si dëshmitarë të thirren disa deputetë dhe ish-sekretari i përgjithshëm i Kuvendit, por që nuk u pranua nga gjykatësi pasi që sipas tij këto janë jorelevante dhe e zvarrisin çështjen.
Kjo bëri që mbrojtja të kërkoi përjashtimin e gjyqtarit nga kjo çështje penale.
Për veprën penale “Sulmi”, parashihet dënim me gjobë ose me burgim deri në 3 vite.
