Seanca e radhës ndaj Dardan Krivaçës dhe Arbër Sejdiut, të dënuar nga Themelorja për vrasjen e Marigona Osmanit do të mbahet më 11 qershor.
Kështu ka bërë të ditur për teve1.info, avokati i Krivaçës, Skender Musa.
Në seancën e cila pritet të mbahet më 11 qershor në orën 10:00, sipas kryetarit të trupit gjykues, do të ftohet që të dëshmojë një ekspert i mjekësisë ligjore dhe do të vendoset edhe për ekspertë të psikiatrisë.
Në seancën e rigjykimit të premten, në Gjykatën Themelore në Ferizaj, të akuzuarit Dardan Krivaqa dhe Arbër Sejdiu janë deklaruar të pafajshëm për dhunimin dhe vrasjen e Marigona Osmanit më 2021.
Nga mbrojtja e Sejdiut, u tha se përgjatë procesit gjyqësor do të vërtetohet pafajësia e tij.
“Gjatë këtij procesi penale pas trajtimit në mes tjerash edhe vërejtjet e dhëna nga Gjykata e Apelit, në fund do të bindim trupin gjykues se Arbër Sejdiu nuk është përgjegjës për veprën penale për të cilën po e akuzon Prokuroria Themelore në Ferizaj”, tha avokatja e Sejdiut, Arbnora Shefkiu.
Prokurori e mbrojtja e viktimave mbesin pranë fjalës hyrëse të dhënë më herët.
Palët u pajtuan që mos të ftohen dëshmitarët, por të lexohen vetëm deklarimet e tyre të dhëna në shqyrtimin paraprak./teve1.info/
