Kuvendi i Kosovës dhe ai i Shqipërisë të premten do të mbajnë një seancë të përbashkët.
Për këtë gazetari i “News 24”, Ronaldo Salianji ka thënë se ishte e papritur, derisa e ka quajtur edhe mbledhje propagandistike.
Ai tha se Kosova dhe Shqipëria po hynë në periudhë zgjedhore dhe të dy kryeministrat, Kurti dhe Rama çështjen e patriotizmit dhe të atdhedashurisë e shfaqin sa herë që ka zgjedhje.
“E para se u bë kohë pa një mbledhje të përbashkët të dy qeverive dhe e dyta dhe më e rëndësishmja se edhe Kosova, edhe Shqipëria po hyjnë në një periudhe zgjedhore… Dihet tani si andej kufirit si këndej dy kryeministrat tanë çështjen e patriotizmit dhe të atdhedashurisë e shfaqin sa herë që ka zgjedhje. Ne e kemi parë se gjatë kësaj kohe kryeministrat nuk kanë pasur mardhenie shumë të mira madje edhe mbledhjet e planifikuara i kanë anuluar…Ishte e papritur në këtë moment kjo mbledhje. Për mendimin tim është një mbledhje propagandistike”, ka deklaruar gazetari nga Shqipëria në emisionin “Ditari” në Tëvë1.
Kuvendi i Kosovës dhe ai i Shqipërisë të premten do të mbajnë një seancë të përbashkët.
Kështu ka bërë të ditur shefja e Grupit Parlamentar të Lëvizjes, Mimoza Kusari-Lila, pas mbledhjes së Kryesisë së Kuvendit të Kosovës, që është mbajtur të hënën.
Kusari ka thënë se në këtë seancë deputetëve do t’u adresohen kryeministri i Kosovës, Albin Kurti dhe kryeministri i Shqipërisë, Edi Rama.
“U njoftuam për takimin e përbashkët, u mor edhe vendimi për agjendën. Takimi i fundit për këtë legjislaturë do të mbahet të premten nga ora 11:00. Synimi i përbashkët është agjenda e përbashkët evropiane”, tha Kusari-Lila.
