Me një minutë heshtje për ndarjen nga jeta të komandantit të parë të KFOR-it në Kosovë, gjeneralit Sir Mike Jackson, ka nisur seanca e jashtëzakonshme e Kuvendit të Kosovës.
Kjo seancë është thirrur nga partitë opozitare për të diskutuar për procesin e përllogaritjes së borxheve të kompanive ambalazhuese të ujit, si dhe mënyrën dhe bazën e shlyerjes së borxheve nga Ministria e Mjedisit, Planifikimit Hapësinor dhe Infrastrukturës.
Ndërsa, deputetët e mazhorancës nuk janë duke marrë pjesë as në këtë seancë.
Të hënën, në një konferencë për media, deputeti i Vetëvendosjes, Enver Dugolli tha se Grupi Parlamentar i LVV-së nuk do të marr pjesë në asnjë seancë që ftohet nga opozita./teve1.info/
