Së shpejti hapet konkursi për specializime

Këtë e ka bërë të ditur për KosovaPress, ministri Rifat Latifi, i cili tha se po synojnë̈ që këto konkurse t’i bëjnë të përvitshme.

I pari i shëndetësisë̈ kosovare, tha se numri i personave të pranuar për shkollim specialisitk do të jetë i arsyeshëm.

“Konkursi do të hapet shumë shpejt, në shtator do të fillojnë specializimet e reja, kjo ka me pas ristrukturim marramendës sepse nuk mundem tre veta me u ul në një karrige, në një tavolinë e me i zgjedh të gjithë̈ specialistët për të gjitha fushat, secila lëndë klinike duhet me zgjedh. Ne do të fillojmë̈ që për çdo vit me pas specializime sipas nevojave prej anestezionit, kardiokirurgjisë traumës së emergjencës e të tjera…nuk do të jetë 1 mijë, do të jetë numër i arsyeshëm që ne me mund me i shkollua ata edhe secili prej këtyre specializantëve të rinj do ta kaloj një kohë jashtë̈ vendit”, tha Latifi.

Nevojën për specializime e ka shprehur edhe drejtori i Shërbimit Spitalor Klinik Universitar të Kosovës, Valbon Krasniqi.