Shprehja që tifozët janë ‘futbollisti i 12-të’ merr kuptim sidomos për ultrasit e Galatasarayt.
Liverpool u trondit në Stamboll, aty ku Galatasaray i mposhti 1-0 për raundin e dytë të fazës së ligës në Champions League. Një gol i Osimhen mjaftoi për skuadrën turke, ndërsa në lartësinë e detyrës ishin edhe ultrasit.
Të njohur për koret e zhurmshme dhe mbështetjen e madhe për ekipin, tifozët e Galatasaray nuk zhgënjyen as mbrëmjen e të martës. Për këtë është ‘ankuar’ edhe Mohamed Salah, sulmuesi i Liverpool që pas ndeshjes tha se nuk e kishte përjetuar kurrë një atmosferë të tillë.
Egjiptiani u filmua duke mbyllur veshët para se të ulej në stol, duke reaguar pas ndeshjes për diçka të tillë.
“Nuk kisha luajtur kurrë në një atmosferë të tillë në jetën time. Ishte shumë e vështirë të qëndroja i përqendruar. Zhurma ishte shurdhuese dhe nuk mund ta përballonim”, deklaroi Salah.
Kujtojmë që edhe në të kaluarën ka pasur futbollist nga ekipe të ndryshme evropiane që janë ankuar për zhurmën e madhe që krijojnë tifozët e Galatasaray.
🗣️Sky Sports Spiker: “Mohamed Salah gürültüden dolayı kulübeden kulaklık istiyor. Bu şekilde ısınmaya devam edemediğini söylüyor..” pic.twitter.com/izGPRZseO0
— Kontra Sports (@kontrasports) September 30, 2025
