Mijëra qytetarë janë duke protestuar në Beograd, pas thirrjes së studentëve, të cilët, për më shumë se katër muaj, kërkojnë përgjegjësi penale dhe politike për tragjedinë në Novi Sad.
Në kuadër të protestës, tashmë studentët kanë filluar fjalimet e tyre që po mbahen në sheshin “Sllavia”.
Njëri nga studentët e parë që nisi protestën ka bërë thirrje që “zëri i tyre të dëgjohet”.
Ndërkohë gjatë fjalimit të studentes së dytë një grua u ngjit në skenë duke tentuar t’ia marrë mikrofonin.
“S’do të lejomë më që të na privoni lirinë tonë”, ka thënë studentja gjatë fjalimit.
