Futbollisti brazilian, Neymar, është më mirë pas operimit në gju, por doktorët nuk e dinë ende se kur do të kthehet në fushë sulmuesi i Al-Hilalit.
31-vjeçari këputi ligamentin dhe meniskun e gjurit të majtë në një ndeshje të Brazilit muajin e shkuar. Zakonisht lëndimi i tillë merr 8 deri 10 muaj kohë rikuperimi.
Rodrigo Lasmar, doktori i ekipit të Brazilit, ka thënë se Neymari është i përkushtuar për t’u kthyer shpejt plotësisht.
Neymari ishte tërhequr i përlotur nga ndeshja e Brazilit ndaj Uruguait, pas lëndimit të rëndë në pjesën e parë.
Sulmuesi iu bashkua Al-Hilalit nga Paris Saint-Germaini për 90 milionë euro gjatë verës. Megjithatë ka luajtur në vetëm pesë ndeshje për shkak të lëndimeve me muskuj.
