Kancelari i Gjermanisë, Olaf Scholz i ka kërkuar presidentit të Serbisë, Aleksander Vuçiq angazhim për zbatimin e Marrëveshjes së Ohrit.
Kjo është bërë e ditur në një komunikatë për media pas bisedës telefonike që kanë zhvilluar gjatë ditës Scholz dhe Vuçiq.
ADVERTISEMENT
“Kancelari theksoi rëndësinë e dialogut të ndërmjetësuar nga BE-ja ndërmjet Kosovës dhe Serbisë dhe ritheksoi mbështetjen e vazhdueshme të Gjermanisë për të. Ai gjithashtu sqaroi angazhimet e Serbisë për zbatimin e Marrëveshjes së Ohrit”, thuhet në komunikatë, përcjell teve1.info.
Vuçiq ka thënë se në takim është diskutuar për Asociacionin dhe situatën e serbëve në Kosovë.
