Në një konferencë për media, kryediplomati austriak theksoi se anëtarësimi në BE është tani më i rëndësishëm se kurrë, shkruan teve1.info
“Pra mendojmë se sulmi i Rusisë në Ukrainë është vërtet një thirrje për të zgjuar Bashkimin Evropian për të trajtuar shënimin e anëtarësimit në BE dhe kjo gjë nuk ka qenë asnjëherë e rëndësishme siç tani. Edhe premtimi që është dhënë tani para 19 viteve në Selanik, ky premtim është sa më i rëndësishëm tani që të zbatohet, të vihet në jetë, që të njohim këtë premtim dhe t’a mbajmë këtë premtim që e kemi dhënë vetë. Po, kjo bëhet edhe për mua, pra të hapet negociata me Maqedoninë e Veriut edhe me Shqipërinë, mirëpo edhe të bëhet liberalizimi i vizave për Kosovën. Pra, jemi shteti i vetëm i cili është pjesë e qeverisë së programit i cili ende nuk ka liberalizimin e vizave, që është pjesë edhe e programit të Qeverisë. Natyrisht se edhe në takimin në samitin e radhës do ta shpreh këtë gjë.”, tha ai.
Schallenberg shtoi se së bashku me Gërvallën biseduan edhe sa i përket dialogut Kosovë – Serbi, teksa potencoi se ky proces duhet të përfundojë me njohje.
“Ne natyrisht kemi biseduar edhe për procesin e dialogut i cili është i nevojshëm midis Beogradit dhe Prishtinës, që këtu ka elemente të ndryshme qofshin ato, sa i përket për fushën e energjisë, hapa konkret për fusha të tjera, mirëpo është e natyrshme që në fund duhet të kemi normalizimin e plotë edhe njohjen që nuk vihet në dyshim fare”, tha ai. /Teve1.info/
