Autor: Lindrit Zejnullahu
Në një prononcim për teve1.info, kreu i SBASHK-ut, Rrahman Jasharaj u shpreh “i lumtur” se më në fund Qeveria po merr hapa pozitiv drejt mbështetjes së punonjësve në sektorin publik.
Por, ai thotë se nuk do të zbrapsen nga kërkesa për miratimin e Ligjit të Pagave, pasi që “është jetik për të gjithë punëtorët e sektorit publik, e në veçanti për ata të arsimit”.
“Jo të shohim scili do të jetë reflektimi i anëtarësisë, paga minimale nuk ka të bëjë me sektorin publik jemi të interesuar për Ligjin e Pagave për të cilin nuk dijmë asgjë sepse është jetik për të punësuarit në sektorin publik edhe në arsim, ngase të gjithë presin me të drejtë që ky ligj të bëjë një lëvizje pozitive të pagave. Ne jemi në pritje do të komunikojmë me anëtarësinë të shohim si do të reflektojë ky vendim dhe a janë të kënaqur nëse kërkesa e tyre versioni i grevave mbetet i hapur. Jemi pjesërisht të kënaqur dhe po them që kemi këkruar jo për një muaj për një mbështetje të tillë për shkak të ngritjes së vazhdueshme të çmimeve dhe rënies së fuqisë blerëse deri në miratimin e Ligjit kjo do të ishte një ngritje por bëjmë thirrje për Qeverinë që ta punojë Ligjin sa më shpejt në koordinim me Sindikatat e Republikës së Kosovës”, tha ai.
Tutje, Jasharaj për teve1.info ka folur edhe për grevën e përgjithshme të paralajmëruar për 23 prill.
Sipas tij, nëse nuk ka lëvizje pozitive në këtë drejtim ata do të hyjnë në grevë të përgjithshme dhe nuk do ndalen deri të plotësohen të gjitha kërkesat e tyre.
“Pasi Qeveria ka filluar me një hap pozitiv të vazhdojë me hapa të tilla sepse në grevë kur hyhet në të përgjithshme ajo mbyllet vetëm kur realizohen kërkesat e një sindikate. Po nëse shkojmë në grevë patjetër sepse nuk mund të hyhet e të dilet nga një grevë pa asnjë rezultat, i kemi bërë me dije Nagavcit që anëtarësia është e gatshme për grevë, uroj që të kemi hapa pozitiv këtë javë të kemi takime të vazhdueshme me Qeverinë konkretisht duke u ndalur te Ligji i Pagave dhe si i tillë të procedohet në Kuvend pas marrëveshjes me sindikatat jo vetëm ku punon njëra palë nga njëra palë sepse do të jemi të pakënaqur dhe do të reagojmë sipas zërit të anëtarësisë”, u shpreh Jasharaj.
Ndryshe, të martën kryeministri i Kosovës, Albin Kurti dhe ministri i Financave, Hekuran Murati kanë njoftuar se për muajin prill do të ndahen 100 milionë euro mbështetje për qytetarët.
Përmes kësaj mbështetje do të përfitojnë nga 100 euro shtesë të gjithë pensionmarrësit për muajin prill – pension bazik, kontribut pagues, për aftësi të kufizuar dhe të veteranit.
Ndërkaq, 300 mijë punëtorë të sektorit privat, 80 të sektorit publik dhe 80 mijë studentë do të subvencionohen me nga 100 euro./teve1.info/
Lexo edhe
https://teve1.info/lajmet/3qeveria-premton-mbi-100-milione-euro-si-mase-shtese-kurti-perfiton-secila-familje-ne-kosove/
