Basketbollistja e Pejës 03, Sara Vraniqi për herë të parë këtë sezon e ka fituar epitetin e më të mirës së xhiros së Superligën e Kosovës.
Vraniqi është shpallur MVP e xhiros së 20-të, me të cilën ka përfunduar stinori i rregullt i garave për basketbolliste.
Vraniqi me 15 pikë, 6 kërcime e po aq asistime, udhëhoqi Pejën 03 në fitoren ndaj Penzës, statistika këto që i kanë siguruar vend edhe në pesëshen më të mirë të xhiros.
Pjesë e “Top 5” është edhe bashkëlojtarja e Vraniqit, Alexis Tolefree që regjistroi 19 pikë, 3 kërcime e 2 asistime.
Në ekipin më të mirë të xhiros, kanë zënë vend edhe dy basketbolliste të Bashkimit, Brooque Williams e Adrienne Godbold që shkëlqyen në fitoren ndaj Trepçës.
Williams pati 22 pikë, 5 kërcime e 2 asistime kurse Godbold shtoi 12 pikë, 9 kërcime e 4 asistime për fitoren e 19-t të Bashkimit.
Ndërkohë, pesëshja më e mirë mbyllet me lojtaren e Prishtinës, Malvina Haziri që realizoi 13 pikë, 5 kërcime e 2 asistime në triumfin ndaj Junior 06.
