Departamenti amerikan i Shtetit ka vendosur në listën e sanksioneve Nexhat Krasniqin, ish-drejtorin e Departamentit të Prokurimit në Ministrinë e Tregtisë dhe Industrisë, për shkak të përfshirjes në korrupsion të madh.
Lidhur me këtë ka reaguar edhe ambasadori i Shteteve të Bashkuara të Amerikës në Kosovës, Jeffrey Hovenier.
Hovenier ka ripostuar njoftimin e zëdhënësit të State Departamentit, Mathew Miller, duke thënë ai njofton rikonfirmon seriozitetin e ShBA-së për trajtimin e çështjeve të korrupsionit.
“Ky njoftim rikonfirmon seriozitetin me të cilin Shtetet e Bashkuara i trajtojnë çështjet e korrupsionit. Ne do të vazhdojmë të përdorim të gjitha mjetet në dispozicion për të promovuar llogaridhënien dhe për të penguar sjelljen kriminale në të ardhmen duke mbështetur institucionet e Kosovës për sundimin e ligjit”, ka shkruar ai në “X”.
Miller ka shkruar se “SHBA-të janë duke ndërmarrë veprime, së bashku me partnerët tanë kosovarë për të kërkuar llogari nga zyrtarët publikë të korruptuar Emërimi i sotëm i Nexhat Krasniqit, i cili pranoi ryshfet në kurriz të popullit kosovar, rikonfirmon përkushtimin tonë të përbashkët për këtë përpjekje”.
Sipas njoftimit të Departamentit amerikan të Shtetit, Krasniqit do t’i ndalohet hyrja në SHBA.
“Si zyrtar publik përgjegjës për mbikëqyrjen e kontratave të prokurimit, Krasniqi ka abuzuar me postin e tij publik duke pranuar ryshfet në këmbim të dhënies së kontratës për lejimin e ndërtimit të parkut industrial në komunën e Drenasit nga kompania Eltoni”, thuhet në njoftim./teve1.info/
This announcement reaffirms the seriousness with which the United States takes corruption issues. We will continue to use all available tools to promote accountability and deter future criminal behavior while supporting Kosovo’s rule of law institutions. https://t.co/oI199g1148
— Ambassador Jeff Hovenier (@USAmbKosovo) November 3, 2023
