Politologu, Avdi Samjljaj, ka thënë se përçarjet brenda LDK-së ka ndikuar që kjo të mos ketë qëndrim të qartë sa i përket koalicionit qeverisës me Vetëvendosjes apo partitë opozitare.
Kjo situatë sipas tij bën që as Vetëvendosje dhe as partitë tjera opozitare nuk mund të llogarisin në votat e të gjithë deputetëve të LDK-së.
“LDK nuk duket se ka qëndrim të qartë sa i përket koalicionit as me Vetëvendosjes dhe as me opozitën, po edhe brenda partisë. Qoftë opozita, qoftë opozita nuk mund të kalkulojnë shumë që do t’i kenë të gjitha votat e LDK-së, sepse ka aty që nuk do ta votojnë njërin bllok apo tjetrin, ka krijua një lloj konfuzioni të brendshëm që po reflektohet pastaj edhe në qëndrimin e kësaj partie për bërë qeverinë”, ka thënë ai në emisionin “InfoNata”.
Kryetari i kësaj partie, Lumir Abdixhiku ka deklaruar se kjo parti do të jetë pjesë e qeverisë së re vetëm nëse LDK merr postin e kryeministrit.
Ditë më parë janë publikuar biseda mes anëtarëve të LDK-së, ku disa nga figurat kryesore të kësaj partie kanë shfaqur pakënaqësi për manipulim të votave nga diaspora madje duke e cilësuar edhe si “skemë kriminale”.
Këtyre akuzave Abdixhiku u është përgjigjur duke thënë se se janë “sulme nga jashtë dhe brenda LDK-së”.
