Samiti i Procesit të Berlinit i cili mbahet për herë të parë në rajon dhe konkretisht në Tiranë, do të bëjë bashkë këtë të hënë, të gjithë liderët e vendeve të Ballkanit, të shteteve anëtare të Bashkimit Evropian dhe përfaqësuesit më të lartë të BE-së.
Nga Kryeministria e Kosovës është ka publikuar agjenda e plotë të këtij Samiti, i pari në rajonin e Ballkanit Perëndimor, në një vend jo anëtar të BE-së.
Sipas, agjendës nga ora 11:00 do të jetë pritja e liderëve, ndërsa në orën 11:30 do të jenë fjalët hapëse. Në ora 12:00 do të nis sesioni i parë i punës, e në ora 12:00 do të nisë sesioni i dytë i punës.
Në ora 17:30 do të nënshkruhet marrëveshja rajonale për njohje reciproke të kualifikimit profesional, e në ora 17:45 do të mbahet konferenca për media.
Ndërkohë presidentja e Komisionit Evropian, Ursula von der Leyen do të mbërrijë sot në Tiranë, në kuadër të Samitit të Procesit të Berlinit që do të mbahet ditën e nesërme. Bëhet me dije se Von der Leyen do të pritet nga presidenti i Republikës së Shqipërisë, Bajram Begaj në orën 15:30.
Po ashtu, Von der Leyen më pas do të ketë edhe një takim me kryeministrin Edi Rama, ndërsa në ora 17:30 është paraparë një konferencë e përbashkët për media.
Teksa vijojnë përgatitjet për pritjen e Samitit të Procesit të Berlinit në Tiranë, për të siguruar mbarëvajtjen e tij, Policia ka nisur me marrjen e masave që prej të dielës.
Janë 1604 policë të angazhuar, ndërsa një sërë aksesh kryesore në Tiranë do të mbyllen që prej pasdites së sotme.
Agjenda e plotë e Samitit të Procesit të Berlinit në Tiranë:
Në orën 11:00 do të jetë pritja e liderëve
Në orën 11:30 fjala hapëse
Në orën 12:00 nis sesioni i punës, integrimi i rajonit në tregun e përbashkët evropian dhe përmirësimi i konvergjencës me BE
Në orën 13:30 fotografia familjare.
Në orën 15:30 nis sesioni i dytë i punës, mbështetja e tranzicionit të gjelbër dhe digjital në Ballkanin Perëndimor
Në orën 16:45 do të përurohet Kolegji i Evropës në Tiranë
Në orën 17:30 do të nënshkruhet marrëveshja rajonale për njohje reciproke të kualifikimit profesional
Në orën 17:45 konferenca e përbashkët për shtyp
Në orën 18:30 ceremonia e inaugurimit të Piramidës
