Presidenti ukrainas Volodymyr Zelensky tha se do t’i paraqesë Rusisë një plan paqeje.
Zelenskyy tha se fillimisht do të siguronte miratimin e marrëveshjes së paqes nga dhjetëra liderë që marrin pjesë në samitin e paqes në Zvicër, shkruan Euronews.
Pjesëmarrës nga më shumë se 90 vende e institucione të ndryshme po marrin pjesë në samitin që po mbahet në Resortin Burgenstock mbi Liqenin e Lucernit. Qëllimi i këtij samiti është diskutimi mbi parimet bazë për dhënien fund të luftës në Ukrainë.
Zviceranët shpresojnë që Samiti për Ukrainën mund të prodhojë skicat e para të një procesi të mundshëm të paqes.
