Interi ka liruar zyrtarisht Samir Handanovic pas 11 vitesh, teksa po kërkon Yann Sommer dhe Anatoliy Trubin për të zëvendësuar Andre Onanan, ndërsa slloveni është vlerësuar lartë për gjithçka që ai ka bërë për klubin.
Kontrata e tij kishte skaduar më 30 qershor, por klubi ka diskutuar një marrëveshje të re të mundshme për veteranin.
Megjithatë, tani është vendosur që nëse Onana do të largohet për në Manchester United, atëherë Interi do të nënshkruajë me dy portierë të rinj, me zgjedhjet e para Sommer të Bayern Munich dhe Trubin të Shakhtar Donetsk.
Për të konfirmuar largimin e Handanovic, klubi lëshoi një deklaratë duke falënderuar kapitenin për 11 vjet shërbimin e tij në San Siro, ku ai bëri 455 paraqitje konkurruese për klubin.
Reprezentuesi slloven do të jetë 39 vjeç të premten, ndërsa ka fituar titullin e Serie A, dy edicione të Kupës së Italisë dhe dy Superkupa italiane me Nerazzurrët. Të gjithë ata trofe në tre vitet e fundit.
