Ministria e Administrimit të Pushtetit Lokal (MAPL), e ka konfirmuar si të ligjshëm vendimin e Komunës së Gjilanit për këmbimin e pronave komunale me ato të Republikës së Kosovës.
Bekim Salihu, drejtor për Kadastër, Gjeodezi dhe Pronë tha se ky vendim do të mundësojë zhvillimin e projekteve kapitale në interes të qytetarëve të Komunës së Gjilanit.
“Pas konfirmimit të legjitimitetit të një vendimi shumë të rëndësishëm për Komunën e Gjilanit siç ka qenë vendimi për caktimin e lokacionit për varrezat e qytetit, MAPL i jep të drejtë legjitime edhe propozimit të inicuar nga Drejtoria për Gjeodezi, Kadastër dhe Pronë, për këmbimin e pronave komunale me ato të Republikës së Kosovës. Bekim Salihu, drejtor për Kadastër, Gjeodezi dhe Pronë, tha se MAPL-ja, pas shqyrtimit të përmbajtjes sê aktit të komunës, si organ kompetent konstaton se akti i komunës në aspektin procedural është në pajtim me dispozitat e legjislacionit në fuqi”, thuhet në një njoftim në Facebook.
Salihu, më tej shtoi se ky vendim dëshmon që qeverisja e udhëhequr nga kryetari Alban Hyseni, vazhdon të punojë konform udhëzimeve dhe ligjeve në fuqi.
