Raportimi i ministrit Maqedonci në Komisioni për siguri është karakterizuar me debate të ashpra.
Një të tillë e kanë pasur deputeti i LVV-së, Salih Zyba dhe ai i PDK-së Hysen Berisha.
Gjatë debatit Zyba e ka quajtur djalë të komunistit Hysen Berishën.
“Me u thirr edhe me akuzua si komunizëm, një person që komunizmin e ka dëshirë me përdor në secilën, të dytën fjalë, një ish-komunist, një djalë i komunistit, unë se di se çfarë po dëshiron ky më shumë. Nuk mund të na bëjë komunista me zor neve që nuk kemi qenë”, tha Zyba.
Ndërsa, Berisha i ka reguar duke i thënë se ai nuk ka të drejtë as me qenë në Komision.
“Unë jam komunist sipas teje, ku e din ti kush jam unë. Kush të ka thënë që të qëndrosh në komision mas pari. Ti nuk ki certifikatë në këtë komision. Edhe nuk duhet me i leju njerëz që nuk janë në komision”, ka thënë Berisha.
Në reagimin e tij Zyba u shprehë “një komunist i verbuar nuk mund të kthehet në një anti-komunist i tërbuar. Ky sot vetëm i tërbuar tregohet këtu”
Ndërsa, deputeti Berisha ka kërkuar që Zyba të largohet nga mbledhja e Komisionit
Këtë debat e ka ndërprerë kryetari i Komisionit për Siguri, Bekë Berisha i cili ia ndali fjalën Zybës, duke i thënë që të mos jetë më prezent në komisione ku nuk është anëtar.
