Mohamed Salah nuk do të largohet nga Liverpooli në fund të këtij sezoni kur i skadon kontrata, por do të mbetet pjesë e ekipit anglez edhe për një periudhë të gjatë.
Bëhet e ditur se Salah ka arritur marrëveshje me Liverpoolin për rinovimin e kontratës, e cila do të bëhet zyrtare së shpejti.
Me vazhdimin e kontratës, Salah do të jetë pjesë e Liverpoolit deri në verën e vitit 2028.
32-vjeçari prej vitit 2017 është futbollist i Liverpoolit dhe me këtë skuadër ka fituar tetë trofe, përfshirë këtu një titull kampioni të Anglisë dhe një herë Ligën e Kampionëve.
Sulmuesi egjiptian edhe këtë sezon është njëri prej lojtarëve kryesor të Liverpoolit që po marshon drejt titullit të kampionit, pasi në 24 ndeshje të luajtura deri më tani në të gjitha garat, ka shënuar 18 gola dhe ka bërë 15 asistime.
