Sulmuesi Mohamed Salah dhe mbrojtësi Virgil van Dijk, pritet së shpejti të firmosin kontratat e reja me skuadrën e Liverpoolit.
Mësohet se negociatat mes palëve kanë shkuar mirë dhe marrëveshja në parim është arritur, ndërsa pritet të bëhet zyrtare brenda këtij muaji.
Si Salah ashtu edhe Van Dijk, vlerësohen si lojtarë të rëndësishëm te Liverpooli dhe sipas të gjitha gjasave do ti firmosin kontratat deri në vitin 2027.
Salah këtë sezon ka shënuar 27 gola dhe ka bërë 17 asistime në Premier League, ku Liverpooli po marshon drejt titullit të kampionit, ndërsa Van Dijk ka 1 gol e 1 asistim.
Për dallim prej këtyre dy futbollistëve, mbrojtësi i krahut, Trent Alexander-Arnold nuk ka pranuar rinovimin e kontratës dhe në verë do ti bashkohet Real Madridit si lojtar i lirë.
