Sala, mbesa e Salë Jasharit do të jetë pjesë e listës së kandidateve për deputetë nga Partia Demokratike e Kosovës në zgjedhjet e ardhshme.
Kështu ka bërë të ditur, kryetari i kësaj partie, Memli Krasniqi, duke thënë se me aderimin e 25-vjeçares dhe të rinjve të tjerë PDK do të jetë më e pasur dhe më e fuqishme në zgjedhjet e ardhshme.
“Ajo mban me krenari emrin e gjyshes së saj, heroinës Sala Jashari, nënës së dy gjeneralëve të shquar të luftës sonë çlirimtare, Sahit dhe Musa Jashari nga Prekazi i lavdisë tonë kombëtare. Me Salën si kandidate në listën tonë për deputetë, dhe të rinjë të tjerë që do të na bashkohen rrugës, PDK do të jetë më e pasur dhe më e fuqishme për zgjedhjet e ardhshme”, ka shkruar Krasniqi.
Jashari, sipas njoftimit, ka thënë se rrugëtimi i saj drejt këtij vendimi është formësuar nga trashëgimia e familjes.
“Kam zgjedhur të ndërmarr këtë hap si veprën time të parë, të nxitur nga obligimi moral për t’i shërbyer vendit dhe qytetarëve tanë. Për të nderuar sakrificat e atyre që erdhën para meje. Partia Demokratike e Kosovës i mishëron këto parime – që si qëllim ka ndërtimin e një të ardhmeje më të ndritur për të gjithë ne”, ka thënë Jashari.
