Emir Sahiti e ka vazhduar kontratën me Hajdukun e Splitit deri në verën e vitit 2026. Lajmi është bërë i ditur të enjten nga faqja zyrtare e klubit të madh kroat.
24-vjeçari u transferua te Hajduku në vitin 2018, ndërsa në sezonin 2020/21, luajti si i huazuar te Shibeniku ku shënoi shtatë gola.
Në dy sezonet e fundit është pjesë e Hajdukut dhe ka luajtur në 60 ndeshje. Ka kontribuuar me 11 gola e 10 asistime. Ka fituar Superkupën e Kroacisë në edicionin 2021/22.
“Është ndjenjë e mirë pasi kam qenë këtu për pesë vjet dhe ndihem si në shtëpi. Jam rritur si lojtar çdo ditë. Ka shumë lojtarë me eksperiencë nga të cilët mund të fitojë shumë. Shpresoj të vazhdoj me lojëra edhe më të mira. Do të vazhdoj duke bërë më të mirën në seancat stërvitore dhe në ndeshje, për të gjithë tifozët që vijnë të na përcjellin”, ka thënë Sahiti pas nënshkrimit të kontratës.