Bashkësia Islame e Kosovës gjatë këtij muaji të Ramazanit në mesin e shumë aktiviteteve, ka shpërndarë edhe pako ushqimore për familjet në nevojë.
Ahmet Sadriu, sekretar në BIK ka thënë se shoqata Bereqeti ka ndarë mbi 15 mijë pako ushqimore para fillimit të muajit të Ramazanit.
“Vetëm në prag të muajt të ramazanit mbi 15 mijë pako ushqimore janë shpërnda të familjet skamnore të cilat janë mbledhur në kuadër të aktivitetit “Sofra e Ramazanit”. Kemi edhe dy kuzhina popullore në Pejë e Mitrovicë që deri tash kanë ofruar mbi 30 mijë shujte ushqim për agjëruesit që janë në gjendje të rëndë”, ka thënë ai në emision Fanari në Tëvë 1.
Sadriu ka thënë se ndarja e pakove ushqimore do të vazhdojë edhe në këto ditë, ku do të shpërndahen edhe 5 mijë pako ushqimore.
