Kjo pasi Sadiku thotë se gjatë gjithë vizitës Kurti nuk kishte ndonjë takim me zyrtarë të lartë amerikanë, por më shumë me përfaqësues të diasporës.
Sipas tij, mosrealizimi i vizitave të Kurtit me zyrtarë të lartë amerikanë krijon përshtypjen se mes raporteve të Kosovës dhe SHBA-ve ka ndonjë krizë.
“Niveli i takimeve që ka pasur Kurti ka qenë i nivelit më të ulët, por te ato shtete që SHBA nuk kanë raporte miqësie me to d.m.th Kosova si me thënë reflektoi si me qenë një vend që ka raporte krize mes Kosovës dhe SHBA dhe jo si një vend që është krijesë e vetë tyre dhe si me thënë do ta promovonin çështjen e anëtarësimit të Kosovës në të gjitha organizatat”, theksoi ai.
Po ashtu, faktin se takimet kanë qenë të nivelit më të ulët, njohësi i politikave të jashtme e bazon në vizitat në Shtëpi të Bardhë e të gjithë homologëve të Kurtit në rajon.
“Po realisht ka pasur disa paqartësi rreth vizitës së Kurtit në SHBA për faktin se i kishte kushtuar më shumë rëndësi vizitës dhe takimeve me diasporën në Amerikë sesa me përfaqësuesit më të lartë të SHBA-së dhe shto kësaj në luftën e brendshme mes Demokratëve dhe Republikanë për qasjen e Amerikës në Ballkanin Perëndimor është shndërru në një shenjë qitjeje mes Grenell dhe Hovenier. Mendoj që si me thënë është krejt e qartë që Kurti ka qenë në vizitë në SHBA por niveli i takimeve të tij si kryeministër krahasuar me takime që i bëjnë kryeministrat e rajonit si p.sh Edi Rama, Abazoviq, Gjukanoviq tregon që niveli i takimeve që ka pasur Kurti ka qenë i nivelit më të ulëta”, shton ai./teve1.info/
