Sadiku thotë se ky vendim është një qëndrim i përshtatshëm ndaj presionit amerikan.
“Në sytë e mi është një qëndrim i përshtatshëm dhe një replikim vendor karshi presionit amerikan, por sa do të gjejë zbatimin do t’ia lëmë kohës”, tha ai në emisionin “Info Nata” në Tëvë1.
Sipas tij, mënyra e sjelljes qoftë e diplomacisë amerikane apo evropiane tregon që ata na konsiderojnë si të ndërvarur sesa të pavarur.
“Sa më shumë presion flet për ndikim të jashtëm dhe flet sa i ndërvarur je dhe jo sa i pavarur je dhe në sytë e mi nuk paraqet diçka pozitive. Ta jep ndjenjën e jashtësimit. Na jep komplet si popull një ndjenjë që jemi emigrantë dhe konsiderata ndaj neve, madje edhe shpërblyese me liberalizim të vizave ta jep ndjenjën e emigrantit” u shpreh ai.
Sadiku shton se ishte i pritshëm reagimi i Listës Serbe për vendimin e ri për targat. Sipas tij, kjo parti është komplet me funksion të presidentit të Serbisë, Aleksandar Vuçiq.
“Reagimi i Listës Serbe ishte i pritshëm, ata bëjnë sabotash edhe si pjesë e Qeverisë. Rrënjët e tyre janë militare dhe paramilitare. Janë komplet në funksion të Vuçiqit”, ka deklaruar ai. /Teve1.info/
