Sipas Sadikut, gjuha e pakujdesshme e Kurtit mund t’i frikësojë investitorët e huaj të vijnë në Kosovë.
“Edhe po të kishte rrezik për luftë në veriun e Kosovës, nuk është detyrë e një kryeministri të një vendi që të krijojë panik, së pari për qytetarët, pastaj edhe për komunitetet që jetojnë në Kosovë. Kjo formë e të shprehurit nuk i takon një kryeministri të një vendi siç është Kosova, për shkak se Kosova statusin e saj e ka më të veçantë, ka ende shtetësinë e kontestuar në kuptimin e mos anëtarësimit të saj në organizata ndërkombëtare. Prandaj, gjuha e kryeministrit duhej të ishte më e kujdesshme, për shkak se kjo pastaj i frikëson investitorët të cilët kanë synim të investojnë në Kosovë”, tha Sadiku në emisionin “Ditari”.
Situata e krijuar në fundjavën e kaluar në veri të Kosovës, u quajt nga kryeministri Kurti si rrezik për eskalim të situatës deri në një konflikt të armatosur.
