Sipas tij, kjo kërkesë është e vazhdueshme nga kryediplomatët, ambasadorët dhe të dërguarit e posaçëm të Ballkanit Perëndimor.
“Kërkesat e vazhdueshme janë edhe nga Scholz dhe gjithë ministrave të Punëve të Jashtme dhe ambasadorëve e të dërguarve të posaqëm që janë në Ballkanin Perëndimor për dialog dhe çështje politike të shteteve të mëdha është që Kosova duhet të jetë më pragmatikë në fushën e dialogut”, tha Sadiku në Tëvë1.
Sadiku tha se sipas burimeve që ka, i dërguari i posaçëm për çështjen e dialogut mes Kosovës dhe Serbisë, Gabriel Eskobar, ka kërkuar nga Kosova që ta pranojë Asociacionin e Komunave Serbe.
“Burimet që i kam dmth në takimin që ka pasur realisht me opozitën ambasadori (amerikan) Jeff Hovenier disa ditë më parë i është dhënë mesazhi si me thanë i zotëri Escobar, që ju duhet të sillni dhe të vini në dialog me Serbinë dhe duhet të pranoni Asociacionin e Komunave Serbe. Dhe nëse këtë nuk e pranoni atëherë mos na dërgoni mesazh sepse, Shtetet e Bashkuara të Amerikes nuk do të vinë të ju mbështesin sepse ju duhet ta dini që edhe Serbia do ta ketë një arsyetim para vetes nëse dëshironi të ju pranojë shtetësinë ose të ua lejojë anëtarësimin në organizata ndërkombëtare. Siç ju po mendoni që Serbia të humb gjithçka dhe ju të fitoni gjithçka, matematika diplomatike nuk del kështu si i ka bërë llogaritë kryesisht Kurti dhe disa liderë në të kaluarën siç ka qenë Haradinaj pak më këmbëngulës”, tha ai në emisionin Ditari. /teve1.info./