Përveç kësaj, Sadiku bëri thirrje që të ofrohet ndihmë për një kadastër në kuadër të komunës, paçi siç tha ai, momentalisht nuk ka drejtor.
“Është shenjë e mirë që janë kthyer fëmijët serb në shkolla. Gjithashtu, njoftoj të gjithë qytetarët e Mitrovicës së veriut që komuna po funksionon. Mirëpo, është një problem. Duhet të gjendet ndihmë për një dikaster në kuadër të komunës, një kadastër. E kjo varet shumë edhe nga puna në Prishtinë. Shpresoj që edhe shërbimet kadastrale t’u jepen banorëve. Të gjithë qytetarët janë duke marrë shërbime nga komuna veriore e Mitrovicës dhe ngadal po i kthehemi normalitetit”, deklaroi Sadiku në emisionin “Ditari” në Tëvë1.
Ndërkaq, Sadiku bëri të ditur se më 24 dhjetor, në festën e Krishtlindjeve, në pjesën veriore të Mitrovicës, do mbajnë një program me shumë të ftuar special.
“Ne më 24 dhjetor, kur janë krishtlindjet, do t’i festojmë në qendër të kulturës “Kadri Kadriu” tek Kroi i Vitakut. Do të kemi një program modest, do të kemi një program madhështor nga piktorët e të gjitha trojeve. Do të kemi një mysafir special, Don Beni, famullitarin e Kishës Katolike”, tregoi Sadiku tutje.
I pyetur se a janë të sigurta organizime të tilla në kohën kur situata është e tensionuar në veri, Sadiku tha se normalisht që do ketë siguri nga Policia e Kosovës./teve1.info/.
