S//SPRINT përmes kësaj fushate me karakter social synon solidarizimin dhe mbështetjen e personave të komunitetit tonë, me karakteristika ndryshe.
Kjo fushatë është krijuar më shumë dashuri dhe profesionalizëm për të mbështetur komunitetin më pak të përkrahur në shoqërinë kosovare.
“Ne jemi të vetëdijshëm se personat e lartpërmendur nuk e kanë hapësirën e duhur për të jetuar në jetë të zakonshme si çdo qytetar tjetër i Republikës së Kosovës, andaj kjo fushatë është një lloj proteste dhe thirrje për solidaritet e ngritje të vetëdijes kolektive për të siguruar jetë të dinjitetshme dhe integrim të këtyre individëve në përditshmëri”, thuhet në kampanjën e S//SPRINT.
Vlen për t’u përmend se S//SPRINT tashmë ka punësuar edhe një person më Down Syndrome në zyret e
administratës dhe ka krijuar ambient të rehatshëm dhe të përshtatshëm për anëtarin e ri të ekipit.
Kjo iniciativë është fillimi i një kapitulli të ri transformues për kompaninë vendore të
veshmbathjeve sportive dhe të brendshmeve me kualitetin me të lartë në treg, S//SPRINT.
Politikat e kompanisë do të shtrihen edhe më tutje në promovimin e diversitetit dhe barazisë,
njëherësh duke promovuar e mbështetë klubet e sportit, atletët dhe të gjithë adhuruesit e sporteve
në dhe jashtë Kosovës.
“Ftojmë institucionet dhe bizneset të respektojnë të drejtat e njeriut që garantohen me ligj duke iu
ofruar të gjithë personave nga komuniteti me aftësi të kufizuar, karakteristika tjera apo bindje
ndryshe, përfaqësim dhe angazhim të barabartë në të gjitha sferat e jetës, sidomos në punësim”.
