Sekretari i Përgjithshëm i NATO-s, Mark Rutte, dje është takuar edhe me ambasadorin e Bashkimit Evropian, Aivo Orav.
Orav pati një takim me Rutten dhe zëvendës-sekretaren e NATO-s, Radmila Shekerinska, ku riafirmoi mbështetjen e fortë që Bashkimi Evropian i ofron misionit të NATO-s në Kosovë, KFOR-it.
Ambasadori evropian theksoi se, përballë sfidave gjeopolitike, vazhdimi i rrugës drejt integrimit në BE është vendimtar.
“Dialogu i ndërmjetësuar nga BE-ja mbetet e vetmja rrugë drejt stabilitetit të qëndrueshëm”, deklaroi Orav.
Met with @SecGenNATO and @DepSecGenNATO yesterday during their visit to #Kosovo & reaffirmed the EU’s support for @NATO_KFOR.
In the face of geopolitical challenges, staying on the EU path is crucial.
The EU-facilitated Dialogue remains the only path to lasting stability.
— Aivo Orav (@AivoOrav) March 12, 2025
Dje, në kuadër të takimeve të nivelit të lartë, Rutte është takuar me presidenten Vjosa Osmani, si dhe me kryeministrin Albin Kurti.
Rutte, gjatë vizitës në Kosovë tha se aleanca është e gatshme t’i përgjigjet çdo zhvillimi të sigurisë në Kosovë./teve1.info/
