Rusia qëlloi një numër rekord prej 728 dronësh Shahed dhe karremesh drejt Ukrainës gjatë natës, si dhe 13 raketa, tha të mërkurën forca ajrore ukrainase.
Qyteti i Lutskut, i cili shtrihet në veriperëndim të Ukrainës përgjatë kufirit me Poloninë dhe Bjellorusinë, ishte më i godituri, megjithëse u goditën edhe 10 rajone të tjera, tha presidenti ukrainas, Volodymyr Zelenskyy, citon Associated Press.
Lutsk është vendi ku ndodhen aeroporte të përdorura nga ushtria ukrainase. Avionë mallrash dhe avionë luftarakë fluturojnë rregullisht mbi qytet.
Rajonet perëndimore të Ukrainës janë një shtyllë logjistike e rëndësishme në luftë, pasi aeroportet dhe depot atje marrin ndihmë ushtarake të huaja jetësore përpara se ta dërgojnë atë në pjesë të tjera të vendit.
Sulmet ruse me rreze të gjatë veprimi kanë synuar gjithnjë e më shumë të prishin këto korridore furnizimi.
