Rusia ka paralajmëruar të enjten se sekuestrimi i aseteve të ngrira ruse nga Bashkimi Evropian, mund të konsiderohet si një “casus belli” që është termi latin për “shkak për luftë”.
Zëvendës Sekretari i Këshillit të Sigurisë Ruse Dmitry Medvedev tha në një deklaratë për një platformë ruse të cituar nga Anadolu se: “Nëse Bashkimi Evropian i çrregulluar sërish tenton të vjedhë asetet ruse të bllokuara në Belgjikë duke lëshuar të ashtuquajturin kredi dëmshpërblimi, veprime të tilla sipas ligjit ndërkombëtar mund të kualifikohen si një lloj i veçantë i casus belli, me të gjitha pasojat që vijnë për Brukselin dhe vendet individuale të BE-së.”
Medvedev shtoi: “Dhe pastaj kthimi i këtyre fondeve mund të ndodhë jo përmes një gjykate, por përmes dëmshpërblimeve aktuale, të paguara në natyrë nga armiqtë e mundur të Rusisë.”
