Kreu i delegacionit rus dhe ndihmës i Presidentit Vladimir Putin, Vladimir Medinsky i tha agjencisë shtetërore të lajmeve RIA Novosti se do të presin për një përgjigje deri në një kohë të caktuar.
“Sapo të marrim këtë konfirmim, ne do të nisemi menjëherë për të takuar homologët tanë në negociata,” tha Medinsky, shkruan CNN, përcjellë /teve1.info.
Medinsky tha se ata “qëndrojnë për paqen”, ndërsa presidenti ukrainas, Volodymyr Zelensky tha se do të ishte i gatshëm të zhvillonte bisedime me Rusinë, por jo në Bjellorusi.
Bjellorusia konsiderohet si njëri nga aleatët kryesorë të Rusisë në luftën kundër Ukrainës, prandaj erdhi ky refuzim i Zelenskyt.
Pala ruse, ka shprehur se nëse pala ukrainase nuk do vijë për bisedime deri në oren 15:00, Kievi zyrtarë do ta mbajë përgjegjësinë për luftën.
“Nëse bisedimet refuzohen, pala ukrainase do të mbajë të gjithë përgjegjësinë për gjakderdhjen. Por ne qëndrojmë këtu deri në orën 15:00 duke pritur një përgjigje nga pala ukrainase”, ka thënë Medinsky, shkruan CNN, përcjellë /teve1.info.
