Ukraina dhe Rusia kanë shkëmbyer nga 175 robër lufte secila, tha ministria ruse e mbrojtjes.
Emiratet e Bashkuara Arabe vepruan si ndërmjetës në shkëmbim, thuhet në të, raporton BBC.
Rusia gjithashtu dorëzoi 22 ushtarë ukrainas të plagosur rëndë si “një gjest vullneti të mirë”, thotë ajo.
Shkëmbimi i të burgosurve u njoftua pas bisedës telefonike mes presidentëve rus dhe amerikan, Vladimir Putin dhe Donald Trump.
Ndërkohë sot pritet të flasin në telefon presidenti amerikan, Donald Trump dhe ai ukrainas, Volodymyr Zelensky për të diskutuar për hapat e mëtejshëm që do të merren.
