“Përtej asaj një nga kërkesat që është shumë në interes të mbijetuarve është zgjatja e mandatit të Komisionit Qeveritar për Njohjen e Statuseve të Viktimave të Dhunës Seksuale. Me afat siç është e përcaktuar tani, ky afat është 5 vjeçar mirëpo ne kërkojmë që mandati i komisionit të mos ketë afat, domethënë kjo e drejtë të garantohet me ligj dhe të mos jetë e afatizuar për shkak se krimet e luftës nuk parashkruhen, po ashtu edhe e drejta në raport me pasojat që i mbartin të mbijetuarit e dhunës seksuale të mos jetë e afatizuar. Ne morëm premtime nga presidentja që do ta mbështesë këtë iniciativë, më pastaj kryetari i Kuvendit, Kryeministri i Kosovës, si dhe bordi i grave deputete”, deklaroi ajo.
Rushiti e ftuar në emisionin “Ditari” në Tëvë1, tha se kërkesa e tyre kryesore ishte që dita e 14 prillit të jetë ditë zyrtare e cila i dedikohet këtij grupi të ndjeshëm shoqëror.
“Një ndër kërkesat tona kryesore pa dyshim ka qenë që dita 14 prill tanimë të jetë ditë zyrtare e cila i dedikohet këtij grupi të ndjeshëm shoqëror. Por përtej asaj, kërkesë e veçantë jo vetëm për ne, kjo kërkesë shkon në kuadër të platformës “Bëhu zëri im” e cila udhëhiqet nga Qendra Kosovare për Rehabilitimin e të Mbijetuarve të Torturës në bashkëpunim edhe të tri organizatave të tjera, siç janë ”Medica Kosova, Qendra për Promovimin e të Drejtave të Grave dhe Qendra Medica Gjakova”, duke u përkrahur edhe nga organizata të tjera siç është edhe “Rjeti i Grave” dhe organizatave të tjera të cilat kanë qenë bashkë partnerë në avancimin e kësaj kauze”, tha Rushiti.
