Drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti, u ka bërë thirrje organeve të drejtësisë të bëjnë më shumë në zbardhjen dhe dënimin e personave që kanë kryer dhunime seksuale gjatë luftës në Kosovë.
Ajo ka thënë se vetëm një person është dënuar për këtë vepër.
Sipas sajë çdo vonesë mund të kushtojë me humbjen e një historie, pasi ka raste që gra dhe burra që kanë përjetuar dhunë seksuale më nuk jetojnë.
“Pa dyshim që është dashtë me bë më shumë, sepse çdo vonesë ne humbim nga një histori të vërtetët për faktin se disa gra dhe burra më nuk janë në mesin tonë dhe nuk arrijnë me dëshmuar edhe jetë pa u dokumentuar historia e dhimbshme”, ka thënë Rushiti në emisionin “Ditari” në Tëvë 1.
Ajo u ka bërë thirrje grave e burrave që kanë përjetuar dhunë seksuale gjatë luftës mos të hezitojnë dhe të kërkojnë të drejtat e tyre.
