Ish-ndihmëssekretari amerikan i shtetit, James Rubin gjatë dëshmisë së tij, ka folur për rastin kur Robert Doll dhe Christopher Hill nuk e gjenin Hashim Thaçin për të shkuar në Paris me nënshkruar marrëveshjen pas Rambujes.
I pyetur nga gjyqtari se pse Madeleine Albright i kishte kërkuar ta gjente Thaçin, ai ka thënë se Hill nuk ishte shumë miqësor me Thaçin dhe se do të jepte disa shpjegime negative për sjelljen e Thaçit.
“Hill nuk ishte shumë miqësor ndaj z. Thacit, e dija që Hill do jepte disa shpjegime negative për sjelljen e tij dhe do të bënte komete negative për z.Thacin, te delegacioni amerikan, gazetarët dhe mund t’i bënte këto komente edhe para senatorit Doll. Pra, qëndrimi nuk do të ishte se z.Thaci është fshehur. Unë isha në dijeni që Hill kishte një influencë të madhe në këtë situatë dhe unë do të përpiqesha të thoja se mbase ka arsye pse nuk është këtu, mbase është diku në bjeshkë, mbase është në rrezik.. Ideja ishte që të shkojmë në Paris me të, sepse ma kërkoi ajo (Albright), dhe me tha që nëse nuk jam unë të jesh ti ta inkurajosh ta bënte atë çfarë më ka thënë.”, ka thënë Rubin.
Ai ka kujtuar fjalët që Albright i kishte thënë për premtimin e Thaçit i cili i kishte kërkuar kohë.
Rubin tregoi për një bisedë telefonike mes asokohe Presidentit të ShBA-së, Bill Clinton dhe Hashim Thaçit.
Thaçi i kishte thënë “të gjitha gjërat e duhura”, tha James Rubin, ndërsa shtoi se ishte “mbresëlënëse” për Clinton.
Kjo në kohë bombardimesh dhe zotimet e Hashim Thaçit se nuk do të kishte “dhunë hakmarrëse” ndaj serbëve të Kosovës.
“Thaçi kishte thënë të gjitha gjërat e duhura në bisedë me Clinton. E kujtoj që ai kishte pasur përshtypje të mirë në bisedë me lider të UÇK-së nga një ambient lufte, ku njerëzit kishin vuajtur gjithë çfarë gjërash… E di që Clinton ishte pasur përshtypje të mirë . Që s’do të kishte hakmarrje, dhunë ndaj pakicave. Clinton kishte përshtypje të mirë dhe ia ka kishte thënë shefit të sigurisë kombëtare”, tha Rubin./teve1.info./
