Deputeti i Vetëvendosjes, Adnan Rrustemi ka reaguar pasi LDK-ja nuk e votoi marrëveshjen ndërkombëtare në mes të Kosovës dhe Fondit OPEK në vlerë prej 40 milionë dollarëve.
Sipas Rrustemit marrëveshjet e tillë tejkalojnë dallimet pozitë-opozitë.
“Ato janë interes shtetëror, në rastin konkret financiar e në të mirë të qytetarëve”, ka shkruar Rrustemi.
Votën kundër të LDK-së e ka quajtur votë prej ‘inatgjiu’, e cila tregon se kjo parti e ka prekur fundin.
“Vota kundër e LDK-së pa asnjë bazë e argument, por prej intagjiu, është e votë e dikujt që e ka prekur fundin, e nuk ka çfarë të humbë, prandaj edhe i del kundër interesave të qytetarëve. Sot, LDK e rrëzoi një mbështetje mbi 44 milonë dollarë dhe doli kundër 47 milionë tjerave për skemat sociale e për pensionistët”, shkroi Rrustemi.
