Presidentja e Kosovës, Vjosa Osmani, ka nxjerrë sot dekretin për shpërndarjen e Kuvendit të Kosovës, duke e çuar vendin drejt zgjedhjeve të reja.
Deputeti i LVV-së, Adnan Rrustemi në një konferencë për media ka deklaruar se veprimi i sotëm i Osmanit për të shpërndarë Kuvendin legjislaturën e 10-të, është një veprim arbitrar që sipas tij bie ndesh me bazën juridike, me bazën kushtetuese që cenon funksionimin kushtetues të institucioneve.
Ai ka thënë se Kushtetuta e Kosovës nuk ka asnjë boshllëk kushtetues sa i përket shpërndarjes së Kuvendit, ku siç tha ai sa i përket zgjedhjes së presidentit.
Derisa, Rrustemi ka treguar se VV-ja do t’i drejtohet Gjykatës Kushtetuese më kërkesë kundër këtij dekreti për shpërndarjen e Kuvendit.
“Veprimi i sotëm për të shpërndarë Kuvendin legjislaturën e 10-të është qartazi në kundërshtim me Kushtetutën, është një veprim arbitrar që bie ndesh me bazën juridike, me bazën kushtetuese që natyrisht cenon funksionimin kushtetues të institucioneve. Kushtetuta e Republikës së Kosovës nuk ka asnjë boshllëk kushtetues për sa i përket rrethanave të shpërndarjes së Kuvendit, në kontekstin aktual për sa i përket zgjedhjes së presidentit. Ne do t’i drejtohemi Gjykatës Kushtetuese me kërkesë kundër këtij dekreti si dhe me kërkesën urgjente për masë të përkohshme për të kufizuar efektet dhe pasojat e parikuperueshme dhe të pakthyeshme në një rrethanë aktuale që pamundëson funksionimin e institucioneve në mënyrë ligjore kushtetuese dhe në përputhje natyrisht me vullnetin e dalë në zgjedhjet e 28 dhjetorit”, ka deklaruar Rrustemi./teve1.info/
